Thursday, 1 January 2009

اختزال

طبعا كلها بصفحه ونائبات الاحزاب الاسلاميه بصفحه في برلماننا الموقر

انتو مركزين عليهم من يحجون كدام الكامرات والصحافه واستخدامهم للمصطلحات التي مانزل الله بها من سلطان ولا اوحى بها الى نبي مرسل

تذكرت زياره رئيس كتله التيار الصدريه لمبنى قناة البغداديه ومعه بعض من رفيقات الدرب المتوشحات بالعبي

الهم ماطولها عليكم قام اسد الله بهاء الاعرجي اعتقد اسمه ؟؟ وتكلم عن منتظر الزيدي ومنتظر الزيدي عندي انا مسافر هو من نطق بالحق وسواه ارتضواا بالمخانيث بدلا

المهم نرجع لرئيس الكتله الصدريه حيث تبارى الى استخدام مصطلحات فصيحه ليبين فصاحته اللغويه وكانه من اقحاح العرب ولم يفكر لحظه انه كلمه "اختزال" مثلا هي لتصغير الشي واقلاله فانت تختزل المقاله مثلا لانه طويله وتختزل القضيه لجعلها مبسطه وغير ذي اهميه وتختزل الشيء اي لتبسطه واذا برئيس الكتله المجاهده يستخدم كلمه احتزال في محل المدح والتعظيم ويتركها في مقال التصغير والتبسيط وظل يكرر ان منتظر الزيدي اختزل هموم الشعب وماسيه واحتزل واختزل........ وياريت من يطلع منتظر من السجن يسمعك علمود يضحك من فهمك للغه العربيه

ولكن الادهى والامر من كله هذا انه كان هناك لقائين لنائبات التيار اللاتي كن "ركوزا على اللاتي كن لانه تره الاعرجي ميدبرها الهاي الكلمه" المهم توالت نائبتان من الصدريين على الكامره واذا بكلتا النائبتين تستخدمن كلمه اختزال بمثل ماختزلها عفوا قصدي استخدمها اسد الكتله بهاء الاعرجي"تعذروني اذا الاسم غلط لانه هيج نماذج ماحفظ اسماؤها" ويرردن ماقاله بطل الكتله وكانهن ببغاوات ولسن ممثلات عن الشعب

ايها العراقيون نوابكم امثال المشهداني والصغير والاعرجي لا يفقهون لغتكم

1 comment:

Anonymous said...

سيدي الكريم
مايحصل داخل قبه البرلمان هو الكثير من الفوضى والقليل من اتخاذ قرار لمصلحه المواطن,اي ثقافة يحملوها اعضاء البرلمان في بلد مغيب فيها المثقف والجهلة يتمتعون بكل مالذ وطاب فمبارك لنا بهذا البرلمان الذي يعبر عن رائ الشعب المنهوك القوى ولاكن نعم نرجو ان تكون الدوه القادمه افضل من الحاليه.....